點解？點解做人會咁辛苦？痛到作嘔。真係冇覺好瞓，食又食得辛苦過人。記得有個電台節目既主持話：人最緊要就係食得瞓得胢得～

講得都好啱，這是少一樣你都會好痛苦。這個病讓我身體無法安寧，每天都要痛上幾個鐘，其餘時間又要因為肺功能差而在處在疲倦狀態。

有個朋友安慰我：妳有比其他人多的時間。其實我一直都這樣安慰自己，我有好多時間做鐘意做既野。可是肺功能少過常人三分一的我，可以做的事好少好少。而我有的時間都是在忍受身體的不適。時間，我有咩？

神呀！我想向祢控訴。我寧願與疾病苦痛同歸於盡！痛楚可以從此遠離我，絕望也不再靠近我。

為甚麼要這樣？媽媽為甚麼總不能體諒身邊的家人都有各自的難處？就算多辛苦都不能不理別人感受，一把口就不能休息？總是嘴不饒人、到處找碴？是否真的需要人輔導？

哥哥你怎麼了？為甚麼對媽媽不耐煩？你不是一向都很能忍的嗎？對媽媽說工作很大壓力，不要再煩～如果哥哥最後都受不了，不再理這個家‥‥如果細妹拍拖結婚後又不理，撇下就走‥‥我好不安、好怕也不敢出聲，今天晚飯，我吃得有點想哭，本來再盛的半碗飯‥‥本來的好胃口‥倒了。

明明是媽媽在說未來嫂嫂的閒話，明明是哥哥因為心煩回嘴，看到他們那樣，為何我會覺得是我的錯？我覺得好驚，哥哥可以走，細妹可以走，我‥可以嗎？他們終有一天會撇下我？

一切是因為我離祢越來越遠嗎？

祢‥．為何讓我孤單一個？為何‥為何‥為何‥‥

記得妹妹去四川短宣的日子，我心裏很憂心。在她去之前的那些天，都希望自己可以跟著去。之後就有種想作弄她的想法出現。

在她上機前的晚上，我偷偷的在她的背包裏塞進了一個龜龜鎖匙扣。以往妹妹出外買材料弄午餐，而我又未起床，她就會對我說要去買龜糧，龜龜是我，小麻雀是妹妹。小麻雀平日到處飛，想不到她這回會飛離香港，築巢築到去四川，唉～如果我是一個健康的家姐，我就可以照顧她‥‥

就是這個喇！不過我是將它拆開，龜身留在我身邊，龜殼放在妹妹背包內，龜殼中還塞進一張紙條，寫了什麼？不需問都知，就是龜是不能失去殼的保護類似的意思。

妹妹從四川打回來報平安，原來上機前就發現了，她用一種很受不了的語氣：好無聊呀～～
我：點呀點呀？有冇帶係身呀？
妹：有呀！無聊！
我：我係妳度學。（作法自斃，俾我整番次）

其實，我知道她一定是覺得很感動，呵呵，發現我的假身也跟了去，不知她有沒有笑出來。

現在龜殼回到我身上喇！

尋日哥哥看夜，所以今日4點幾5點就返到屋企，太陽很猛。哥哥走到我房～

哥：妳係到做咩？温日文呀？

我瑟縮了一下，看到他站在房門，其實他明知故問，他己經知道了我在繡十字繡，送給他做結婚禮物。究竟點發現？又係一段令人十分悔恨的事（唔想講），想起他知道後的那笑容，我就有種想同佢血拼的衝動。點解成日俾佢笑！

我：日文？！如果唔係為左你，我今年就去左考二級喇！！
哥：冇所謂啦！費事妳唔合格啦～（頂！這是什麼話！！人家不是己經將三級合格証明一次攪掂，還跳過四級不考）

我如果唔係想趕起幅圖，如果唔係身體唔容許我同一時間做咁多野？我就唔洗放底曬D温到一半既二級生字同文法，只係繡左四個月，我D生字文法都冇曬！每日就係到織織復織織，哦～應該係繡繡復繡繡，好似個繡娘咁，激死我！

同日，自戀事件一：

我：好熱呀‥（房裏面好焗）
哥：不如開冷氣～

雙方冇異議後～

我走出房間，將午飯餘餸的肉放入雪櫃，從廚房走出來之際，看見哥哥正在閂大廳的窗，而佢只穿了一條黑色的底褲！

我：咦～～你咁樣出面D人會以為你係露體狂！
哥：哩D叫益街方～
我：你慳D啦！（憑佢既身形？嘔死～）

係嗰一刻，突然諗起一個人‥一個都係咁自戀咁變態既人‥‥現實世界真係好殘酷，醫生崇高的形象，就係俾哩D人破壞曬，唉～

自戀事件二：

話說有一日晚飯，我忽發奇想～

我：哥哥，如果要你用四個字黎形容自己，你會用邊四個字？（我心裏有底，知道佢會有既反應，兄妹嘛！用我個膝頭蓋都估倒）
哥：英俊瀟灑～
我：唔得！哩個唔算！都唔可以係風流倜儻，要可以表珼出你的特質～
哥：‥‥‥

正當我以為佢會認真之際，1秒2秒3秒～

哥：嗯‥華陀在世‥苗手回春。哦～諗唔到啦！

係嗰一刻，我差D連飯都噴出黎，笑死我。

哥笑問：咁妳呢？妳又用邊四個字黎形容自己？
我回他：平易近人，和藹可親～（想也不用想）
哥：哦？妳確定？（算咩語氣呀！）
我：當然～

雖然我平日對佢係COOL左D、寸左D‥‥不過都係佢D性格實在太‥太‥白痴啫，我其實好易親近架嘛。

之前有病友問我妹妹返黎未，多謝關心。其實妹妹係8月14日晚就從四川回來喇。
一家人出外吃飯，不知是否因正日鬼節，我們去的那間菜館不難找位。本來己接近好的咳可能因為吃了點辣就嚴重返。
全家人吃落都不覺得辣，除了我那個沒用的哥哥，又茶又汽水～最後都頂唔順，要放棄吃那盤有少少辣的魚。哥哥重問我～

哥：點解妳咁勁，汗都冇流～
我：你冇用啫～

回程路上，哥哥推著我，我問哥哥～

我：哥哥～你話頭先黎嗰陣，你有冇用左兩分鐘黎泊車？
哥：嗯‥應該都唔只‥起碼有三分鐘。做嘜野？我知～你想話我廢！係唔係？嗚‥‥
我：吓‥我係想講你好唔掂啫‥（廢？好似貼切Ｄ‥）

坐係車裏面等佢停定架車真係好辛苦，因為架車會咇咇咇咇～～好嘈！記得有次本來是想去九龍城，點知俾佢兜左我去沙田，又有一次佢載妹妹去學校，點知攪到妹妹要中途落車截的士。算啦！新手新手～

之後屋企人打開車尾廂，準備想將我駕輪椅放入去，點知‥見到‥一隻‥‥好可憐既啤啤熊趴左係度（本來在後坐）‥‥心痛死喇，我大叫：呀！！！勁衰呀！你點可以咁對佢？！最後同媽咪決定將佢帶返屋企，等熊熊唔洗再咁慘～

就係佢自己既畢業熊，好過份！！咁重要既野都可以咁對待，都唔明點解佢會有女仔鐘意，唉～哥哥係個好哥哥，不過我同妹妹都係絕對唔會揀咁既性格既人做男朋友！！